On this page, you will find Drama: Lami Lisiphetfo Siswati Grade 12: Mind the Gap Guide, which includes downloadable pdf, Book Summary, Characters, Plot, Themes, Study Guide
Download the Drama: Lami Lisiphetfo Siswati Grade 12: Mind the Gap Guide
Summary: Sifinyeto semnlalo wonkhe
Lomdlalo umayelana nesive seMaswati lesingephasi kwembuso weNkhosi Somhlolo Umbuso waSomhlolo unetindvuna, Nsibandze, Mahubhulu, Sigogodvolo naSikhunyana. Letindvuna tinemabutfo: eMahubhulu, Tigogodvolo, Balondolozi neTichelechele. Sive saSomhlolo sinaletinye tive lesakhelene nato: sive saBhocwane, saMabhoko, saNkhasa, saMabhula. Njll.
Somhlolo natsatsa lombuso, ufunga kutsi yena ufuna kubusa ngekuthula ngaphandle kwekucitsa ingati. Loko kusho kutsi akafuni kulwa timphi njengobe emakhosi lawendvulele abenta. Loku ukwenta ngekutsi akhe buhlobo naletive lakhelene nato ngekuteka kuto. Ngetulu kwaloko, ufuna kubusa ngekutsi abonisane netindvuna takhe ngembikwekutsatsa tincumo. Uyatibita abonisane nato natente kahle atibonge ngetipho natonile atijezise ngendlela lefanele.
Mahubhulu akayitsandzi indlela Somhlolo labusa ngayo, yena ufuna kucitseke ingati, emabutfo alwe timphi. Loku kuphambana nalokufunwa nguSomhlolo. Mahubhulu utama kuhhunga tindvuna, boSikhunyana, Sigogodvolo nalabanye kutsi besekele yena kuwisa lombuso waSomhlolo. Ngetulu kwaloko natfunywa kuyewucela buhlobo kuletive lakhelene nato Somhlolo, utfola litfuba lekuhlela imphi ngekucamba emanga, ahlaneketele loko latfunywe kona.
Lwati lalutfole etindvuneni, kuSomnjalose, kuNyosi nasephusheni labe nalo, lukhanyisele Somhlolo kutsi Mahubhulu ufuna kutsatsa umbuso wakhe ngenkhani. Somhlolo ubita Mahubhulu kute atewuva ngaloko lokungamenelisi, kepha Mahubhulu uyala. Kutsi lapha avuma kuya, ukubeka ebaleni kutsi vele lakhe lisiphetfo nekutsi uyavuma kutsi natfunyiwe wenta loko lokuhloswe nguye hhayi latfunywe kona. Tindvuna tiyetama kumecwayisa ngengoti lalengela kuyo kepha utsi lakhe lisiphetfo, kutawugcina yena kunaSomhlolo. Tindvuna tiyamhlamuka ngobe tesaba ingoti yekuhlawuliswa nangabe indzaba ingafika etindlebeni taSomhlolo. Mahubhulu ngekungafuni kucondzana nesigwebo lesiphuma kuSomhlolo, ubona kuncono atibulale ngekwakhe kunekujeziswa yiNkhosi kabuhlungu.
LaSomhlolo ligcine Lisiphetfo, Mahubhulu afile.
