On this page, you will find Novel: Ntlhomole Mmutlwa Setswana Grade 12: Mind the Gap Guide, which includes downloadable pdf, Book Summary, Characters, Plot, Themes, Study Guide:
Molaetsa/Thuto
Thuto kgotsa molaetsa di ikaega ka morero wa padi. Padi nngwe le nngwe e na le molaetsa kgotsa thuto tse babuisi ba itseelang tsona go tswa mo ditiragalong tsa padi. Go ya ka maitemogelo a gagwe a botshelo, mopadi o re takela setshwantsho sa botshelo ka ditiragalo tsa padi ya gagwe, maikaelelo e le go gorosa molaetsa kgotsa thuto e e rileng go babuisi. Dikao tsa melaetsa e o ithutileng yona go tswa mo baanelweng ba ba farologaneng mo pading ya Ntlhomole Mmutlwa ke tse di latelang:
- Nama ya kgapeletsa e thuba pitsa (Kgori).
- Se itsapele go kgaratlhela go fitlhelela maikaelelo a gago mo botshelong (Matsetseleko).
- Motho ke motho ka batho ba bangwe (Segonyamatlho).
- Gaabomotho go thebe phatshwa (Matsetseleko).
- Lebitla la monna le fa thoko ga tsela (Matsetseleko).
- Mosekaphofu ya gaabo ga a tshabe go swa lentswe (Matsetseleko).
- Motho ga a itsiwe e se naga (Baagileng).
- Ngwana yo o tlhogokgolo o sira rraagwe (Matsetseleko).
- Se nkganang se nthola morwalo (Mmathapelo).
- Botlhale jwa phala bo tswa phalaneng (Palesa le Kgori).
- Motho ga a iphetse e se naga (Palesa).
Segalo
Segalo ke mokgwa o mokwadi a senolang maikutlo a gagwe ka ona. Segalo mo pading se a fetogafetoga go ya ka ditiragalo tse di se senolang. Segalo se thusa maemo a a renang a a tlhokegang. Se ka tlhalosiwa e le sa botsalano, lorato, lonyatso, kutlobotlhoko, boitumelo, kakgolo, tshotlo, kgalefo, le go kobisa.
Maikutlo
Maikutlo ke sengwe se mmuisi a itemogelang sona mo pading. E ka nna maikutlo a lerato, lenyatso, kutlobotlhoko, boitumelo, kakgolo, tshotlo, le a kgalefo.
Moanedi
Moanedi ke motho yo o anelang padi kgotsa lokwalo longwe. Mosola wa moanedi ke go bona ka itlho le le rileng. Mo bokwading, moanedi o tlhagisa tiro ya gagwe mo mmuising. Moanedi a itlhagisa ka boena mo kaneding kgotsa a ka tlhagelela jaaka motshwaedi kana moanedi yo o sa itseweng. Fa o batla go itse gore mokwadi ke mang, seo o tlaa se senolelwa ke fa mmuisi a tlhalosa maikaelelo a mokwadi ka ga boleng, ditumelo le maitemogelo a gagwe.
Go Menoga Ga Ditiragalo Mo Pading
Go menoga ga ga Kelogile morago ga gore Kgori a gane go iwe kwa mapodising. Go ya ka semelo sa gagwe le setso, re ne re lebeletse gore a dumalane le mogatse fela ena o ne a tsaya dikgato a roma Bonolo go ya go bega go nyelela ga ga Matsetseleko kwa mapodising.
