Luambo lwa Musanda na Thalutshedzo Dza Hone

Hafha ri do gunda nga ha luambo lwa musanda. Kha luambo lwa tshivenda, luambo lwa musanda alu fani na luambo lwa vhasiwana. Ku ambele kwa musanda kwo fhambana, na hone ku ya thonifheya.

Luambo lwa Musanda na Thalutshedzo

Luambo lwa musanda na thslutshedzo zwi tshibva kha Ngoma ya Vhatei:

• Tshisevho tsha ula tsha vhamusanda ndi pfumi.
• Vhuswa (poridge) ha vhamusanda vhu pfi malinga.
• Musadzi (mutanuni) arali a tshi khou netshedza vhamusanda zwiliwa kana halwa ri ri u khou hwedza.
• Vhana vha musanda vha vhizwa u pfi vhakololo.
• Vhamusanda musi vha tshi khou amba, ri ri vha khou zwa.
• Vhamusanda musi vho farwa nga vhulwadzwe (sickness), hu pfi hu na biso.
• Vhamusanda musi vho fara lwendo (trip), ri ri vho nenga.
• Vhamusanda musi vha tshi khou la, ri ri vha khou ambara malinga kana vha khou shuma.
• Vhamusanda arali vho lovha (passed away), ri ri vho dzama.
• Mufumakadzi wa musanda u vhizwa upfi mutanuni.
• Muta wa musanda upfi lutambwe.
• Muno nga lwa musanda ndi matavha.
• Zwifuwo nga lwa musanda ndi phedza.
• Khono (gate) dza musanda ndi mano.
• Luswielo (broom) nga lwa musanda ndi mufanzwe.
• Lufo nga lwa musanda ndi tshanda.
• Tshitanga (kitchen) tsha musanda ndi tshamudane.
• Luvhone nga lwa musanda ndi majo.
• Luhura (baundary wall) nga lwa musanda ndi mafasho.
• Madi nga lwa musanda ri ri ndi madzivha.
• Ndilo (food plate) ine vhamusanda vha lela khayo i pfi phondelo.
• Mbeu (seed) nga lwa musanda ndi makumba.
• Mulilo nga lwa musanda ndi phandu.
• Tsimu nga lwa musanda ndi dzunde.
• Lufhanga lune vhamusanda vha shumisa ndi tshili.

• Vhatukana vha musanda vha pfi mazhinda.
• Vhasidzana vha musanda vha pfi mavoda.
• Vhana vha musanda (khomba) a vha imbelwi vha tou fhisa.
• Mufumakadzi muhulwane wa musanda ndi themamudi.
• Zwiambaro zwine vhamusanda vha ambara zwi pfi vhupila.
• Thovho (mat) kana tshithu tshine tsha aliwa musanda vha tshi dzula ndi maalo.
• Vhutoko (cow dung) vhune ha shumiswa u shula musanda ndi vhureazi.
• U la vhuswa nga lwa musanda hu pfi u fhaladza malinga.
• U ka madi nga lwa masunda ndi u tie kana u tapa madzivha.
• Vhuse nga lwa musanda ndi matavha.
• Mato nga lwa musanda ndi ndalama kana mirumelela.
• Vhamusanda a vha na thoho, vha na thavha.
• Tshinwe tshifhinga vhamusanda vha pfi thavha. Musi vho tuwa ndi ngazwo hu tshi pfi thavha yo tseremuwa.
• Hune vhamusanda vha tambela hone hu pfi tshizwoni.
• Musi vhamusanda vha tshi tamba, ri ri vha khou diluzwa.
• Mitsheto ya musanda ndi mirango.
• Thanga ya musanda ndi luvhimba/denga.
• Matswia a musanda ndi matiko.
• Musi wa musanda ndi tshiombo.
• Khuni dza musanda ndi mafhali.
• Vothi la musanda ndi ngwena.
• Lufo Iwa musanda ndi tshanda.
• Tshiukhuvha tsha musanda ndi tshiluvhedzo.
• Tshikumbu tsha musanda ndi tshiangaro.
• Muroho nga lwa musanda ndi pfumi.
• Miora nga lwa musanda ndi zwivhuvhi.
• U vala vothi nga lwa musanda ndi u tivha.
• U bika nga lwa musanda ndi u sika.
• Mafhungo a musanda ndi mazwiwa.
• Tshidulo tsha musanda ndi mathukho.
• Muno wa musanda ndi matavha.
• Khávho ya musanda ndi ngwena/tshiangaro.