Maiti ndi mini? tshaka na tsumbo dza maiti Tshivenda

Maiti ndi mini? tshaka na tsumbo dza maiti Tshivenda:

--- Advertisement ---

Maiti ndi mini?

Maiti ndi ipfi line la bveledza nyito fhungoni.

Tsumbo dza maiti:

--- Advertisement ---

  • Musidzana u khou bika vhuswa .
  • Vhana vho la swobo tshikoloni.
--- Advertisement ---

Maiti na mitshila

Maiti a nga tumetshedzwa mitshila uri a shandukise thalutshedzo.

Mitshila ya maiti.

Mutshila -el- (LIITELA) ndi mutshila u no sumbedza nyito i itwaho nga munwe.

  • O bikela vhatukana musi vho ya hogoni.
  • Vhana vho limela manngo a tshikhuwa.

Mutshila -e – (itea) ndi mutshila u sumbedzaho u konadzea ha nyito.

  • Thundu idzi dzi a kuvhea.
  • Bugu iyi I a vhalea.

Mutshila -is – (liitisa) Mutshila u disa thalutshedzo ya u kombetshedza nyito kathihi na u thusa.

  • Mme vha bikisa vhana vhuswa vha sa funi.
  • Maemu u kuvhisa Pfarelo uri vha tavhanye u ya tshikoloni.

– es – mutshila u sumbaho nyito yo kalulaho.

  • Ndo fulesa mango a tshikhuwa.
  • Vhaswa vho imbesa kha mutatisano wa u imba.

-an- (liitana) Ndi musi nyito I tshi khou bvelela masia othe.

  • Vhasidzana vha khou semana kerekeni.
  • Mbudzi dzi khou rungana tshitumbana.

-olol-/ulul- (liitolola)Ndi musi nyito I tshi khou dovholola kana I tshi khou dovhololiwa

  • Ni bikulule muroho wothe.
  • Ro vhofholola tshinamana tshi no levha.

-w-/-iw-

Ndi musi hu na nyito yo bveledzwaho nga nefhungo.

  • Vhuswa ho bikwa nga mutukana mulovha.
  • Mulandu wo sengwa madekwe musanda.

-ekana-/-ekany-

Ndi musi nyito I tshi khou bvelela hu sina u londa.

  • Vhana vho hasekanya zwiambaro zwo kuvhiwaho nduni yavho.
  • Malume vho thulekanya maguvha nga modoro muswa.
Search