Alitheresheni Ndi mini

Hafha ri do gunda nga ha uri alitheresheni ndi mini. Ri do dovha ra sedza na tsumbo dza hone.

Ndovhololo (Repetition) i kwama u dovhololwa ha maipfi tshirendoni sa khwathisedzo ya zwine murendi a amba. Ndovhololo hei i vhonala kha mafurase na mafhungo, themba na pfalandothe. U dovholola hu nga bveledzwa nga alitheresheni na asonentsi.

---

Alitheresheni

Alitheresheni ndi u dovhololwa ha themba dzine dza fana kha mutaladzi wa tshirendo. I shuma u khwathisedza zwine murendi a vha a tshi khou amba zwone.

(… u dovhololwa ha themba kha lambo. Themba dzine dza yelana kanzhi dzi vha dzi mathomoni a maipfi kana kha madungo o tsikeledzwaho.)

Cohen (1973:56):

(Alitheresheni nga u angaredza i dzhiwa sa ndovhololo ya mibvumo ya pfalandothe ya u thoma kana themba ya u thoma kha maipfi ane a vha tsini na tsini, …)

Tsumbo:

Nkunge
Nkunge, nkunge iwe Nyamithenga
Nkunge nga khulo yau ya matamba-ndou.
Nkunge ndi dzule nawe ndi rende dzithendo

Kha tshitanza itshi tsho newaho ri a kona u zwi vhona uri hu na u dovholwa ha themba “nk” kha mutaladzi wa u thoma na kha mutaladzi wa vhuvhili na wa vhuraru.

---

Asonentsi

Asonentsi ndi u dovhololwa ha pfalandothe kha maipfi mavhili kana a fhira mavhili kha mutaladzi wa tshirendo. Asonentsi i ita uri tshirendo tshi nyanyule, khathihi na u khwathisa zwine murendi a vha a tshi khou amba.
Muller (1982:192) ene u ri:

Assonance is when the stressed vowels have the same sound.

(Asonentsi ndi musi pfalandothe dzo tsikeledzwaho dzi na mubvumo wa u fana.)

Tsumbo:

Nguvho ‘mini”
U-vha Vhu-vha fhio?
U vha vhu vha xwio,
Nyito xele-xele
Lifhedzi-fhedzi thuru,
Bunyu bombororo.
Vhudabadaba fhelele
Shanzha shaiwa.
Fi-fa-fuu, Pfaa-pfuu-pfuvhaa.
Shonee!
(Sigwavhulimu 1975:26)